სწორი პოზიციონირება ორგანიზაციის ძირითად არსს გამოხატავს, რალურად მთელი პოზიციონირება ერთ მარტივ კითხვამდე დადის: რას საქმიანობ? და მკაფიოდ განმარტავს:
- რატომ გადაწყვიტეს დამფუძნებლებმა ამ საწარმოს გახსნა;
- რატომ უნდა იქცნენ მომხმარებლები ამ საწარმოს კლიენტებად;
- რატომ უნდა მუშაობდნენ წესიერი ადამიანები ამ საწარმოში.კარგმა პოზიციონირებამ უნდა შთაგაგონოთ და მოქმედებისაკენ გიბიძგოთ. ყოვლად დაუშვებელია, რომ პოზიციონირება ფულის, საბაზრო წილისა და თქვენი მმართველობითი ეგოს გარშემო ტრიალებდეს. კარგი პოზიციონირება უნდა იყოს:
- პოზიტიური – მომხმარებელს არ აინტერესებს თქვენსა და კონკურენტს შორის საქმის გარჩევები. თქვენი ფირმის დანიშნულება არ უნდა იყოს სხვა ფირმის ბაზრიდან გაძევება;
- კლიენტოცენტრული – უნდა აჩვენოთ არამარტო ის, თუ რისი გაკეთება გინდათ საკუთარი თავისთვის, არამედ ისიც, თუ რას გააკეთებთ კლიენტისთვის;
- შთამაგონებელი – თქვენს თანამშრომლებს უნდა სჯეროდეთ, რომ კომპანია თავისი საქმიანობით სამყაროს აუმჯობესებს;
- თავისთავად ცხადი – ყურადღება უნდა გამახვილდეს შემდეგ მიზნებზე: ფულის ეკონომია და შემოსავლის გაზრდა; ასევე მაღალფარდოვან საკითხებზე(სულიერი სიმშვიდე, განათლება, სიხარული);
- კონკრეტული – თავიდანვე უნდა იყოს გასაგები თქვენი კონკრეტული მიზანი;
- პროფილიანი – აქცენტი უნდა გაკეთდეს ფირმის ძირითად პროდუქტებზე და არა მის დამატებით პროდუქტებსა თუ სერვისებზე;
- რელევანტური – ფირმის საკვანძო კომპეტენციები მკაფიოდ უნდა შეესაბამებოდეს მიზნობრივი აუდიტორიის საკვანძო საჭიროებებს;
- ხანგრძლივი – მიზანშეწონილია კომპანიის ისეთი პოზიციონირება, რომელიც აქტუალურობას 100 წელიწადს არ დაკარგავს;
- განსხვავებული – თქვენი პოზიციონირება უნდა განსხვავდებოდეს კონკურენტების პოზიციონირებისაგან.
წყარო: იდეიდან პირველ მილიონამდე
